Aksidan dan Bramsthan: enn motosiklist rann lam

Admet dan lopital Dr Bruno Cheong dan Flacq depi lindi le 10 zanvie 2022, enn motosiklist, Harish Hurdoyal, 43-z-an, inn rann lam merkredi aswar le 12 zanvie 2022.

Foto ilistrasion.

Sa abitan Bramsthan-la ti viktim enn aksidan larout lindi le 10 zanvie 2022. So motosiklet ti rant an kolizion avek enn kamion kondir par enn sofer 79-an.

Enn otopsi pratike par Police Medical Officer, Dr Prem Chamane, lamorg lopital Dr A. G. Jeetoo dan Port-Louis, inn atribie dese-la laswit enn lezion serebral.

Konsernan sofer kamion-la, li'nn teste negatif apre enn lalkol test. Bann sirkonstans sa aksidan-la res ankor flou pou le moman.

Li bon pou note ki pasaze motosiklet-la, enn zenes 18-an, inn sorti avek bann blesir leze. Lapolis Flacq inn ouver enn lanket pou fer lalimier lor sa aksidan-la.

Dese misie Harish Varma Hurdoyal

Nou prie pou anons dese misie Harish Varma Hurdoyal, 43-z-an, osi koni kouma Sachin.

Konvwa mortier inn sorti depi kot so madam Chandrika Hurdoyal depi Jeebun Lane, Bramsthan le 13/01/2022 ver 11-z-er pou al krematwar Beau-Champs.

Read more...