Aksidan Vacoas: enn pieton perdi lavi apre enn kolizion

Enn pieton inn rann lam, apre ki li'nn perkite par enn loto, dimans aswar le 20 zwin 2021 dan Modern, Vacoas. Li ti pe esei travers larout kan li'nn ranverse ek mor sir le kou.

Lapolis ti mande sir plas aksidan-la.

Sofer loto-la inn interpele par lapolis. Kadav pieton-la, Jacques Gilbert Macabhee ki ti ena 67-an, inn transporte lamorg lopital Vicotira, dan Candos.

Moman dram-la, larout ti glisant. Lapolis inn inspekte plas aksidan-la ek loto inplike inn transfere stasion lapolis pou bann bezwin lanket.

Sofer-la, ki ena 20-an, pou reponn enn akizasion provizwar pou omisid involonter divan lakour Curepipe azordi, lindi le 21 zwin 2021.

Lapolis inn ouver enn lanket pou fer lalimier lor bann sirkonstans ekzak sa aksidan-la.