Albion: li refiz fim enn sigaret, so bann kamarad viol li

Enn adolesan 14-z-an inn port plint stasion lapolis Albion kont de parmi so bann kamarad. Bann-la, li dir dan so depozision ar lapolis, inn agres li sexielman akoz li'nn refiz zot sigaret.

Foto ilistrasion.

Bann fe inn prodir merkredi le 18 zanvie 2023. An efe, adolesan rakonte ki sa zour-la, inn parmi so bann kamarad inn propoz li pou fim enn sigaret dan zot konpayi. Li'nn refiz invitasion-la ek bann-la inn mal pran sa.

Zot inn trap li par so lamin ek trenn li par fors dan bann twalet kot zot inn sexielman agres li sakenn so tour. Sirprenan, li finn koumans kriye sa moman-la me personn pa finn tann li.

Apre so depozision, adolesan inn admet dan lopital. Antretan, lapolis inn ouver enn lanket.