Asasina Manan Fakhoo: enn kamionet sezi, sink sispe arete

Gro developman dan lanket lor asasina Manan Fakhoo, ki'nn touye 3 kout bal par 2 mertrie ki ti pe sirkil lor motosiklet, merkredi aswar le 20 zanvie 2021. Bann ofisie Major Crime Investigation Team (MCIT) inn prosed arestasion sink sispe, parmi de frer, yer gramatin, lindi le 15 fevrie 2021. Zot sispekte pou fer enn plan pou abat Manan Fakhoo lakrwaze bann lari Martingale ek Swami Dayanand, dan Beau-Bassin. Pe atann bann rezilta analiz.

Manan Fakhoo (an medayon) ek kamionet blan ki'nn sezi.

Kamionet blan: lakle puzzle

Se apre bann travay presizion ki bann anketer inn resi remont ziska bann sispe dan sa zafer mert bien apar-la. Bann sispe se: Muntasir Gukool, Yassin Meetoo, Belal Meetoo, Noorudhin Bhollah ek Ajum Beeharry.

An efe, bann anketer inn vizionn bann zimaz Safe City dan rezion ek inn mem remont ziska inpe zour pli avan ekzekision Manan Fakhoo, san gran rezilta. Aswar dram-la, bann zimaz bann sispe lor enn motosiklet kouler nwar, dan bann paraz plas mert-la, inn resi kaptire, me zot tras inn disparet vit.

Apre lekzamin sak sekans bann zimaz CCTV ek sak loto ek bann lezot veyikil dan bann zanviron, aswar atanta-la, bann ofisie inn konstat prezans enn kamionet blan dan kartie-la. Bann anketer finn al Beau-Bassin, me personn pa konn veyikil-la. Zot inn prelev plak nimero-la ek inn remont ziska proprieter, enn abitan Port-Louis. Antretan, enn ranseignman lor motosiklet bann sispe inn gagne ek proprieter-la inn resi retrase.

Read more...

"Mo ti kit mo motosiklet"

Bann zom asistan sirintandan lapolis Seebaruth, finn al Vallée-Pitot, Camp-Yoloff ek Vallée-des-Pretres lindi gramatin. Zot inn dabor prosed interpelasion kat individi, ladan de frer. Motosiklet ek kamionet inn met sou sele. Zot inn interoz proprieter motosiklet-la ki paret koresponn saki finn servi par bann sispe. Li'nn soutenir ki narien pa'nn pase. "Mo ti kit mo motosiklet," li'nn dir bann anketer. De frer-la, abitan Vallée-Pitot, zot sispekte pou sirkil lor motosiklet-la.

Trwa parmi bann sispe inn retenir servis Peeroo Chambers. Lakaz enn parmi bann-la dan Vallée-des-Pretres inn perkizisione par bann anketer MCIT, eskorte par bann eleman Special Supporting Unit (SSU). Enn vest ek bann kask integral inn sezi par bann ofisie. Bann anketer sispekte sa bann individi-la pou mel zot dan lasasina Manan Fakhoo. Zot inn informe zot pou plase an eta arestasion pou 'murder'. Dan lapremidi, enn sinkiem sispe inn apreande ek plase an eta arestasion. De so kote, proprieter kamionet-la inn soulinie ar bann anketer: "mo ti gayn enn kours."

Zsika ler dan lanket, bann ofisie panse ki sa atanta-la inn bien planifie. Zot panse ki bann oter sa asasina-la, enn fwa ki zot inn fini fer zot travay sal, inn mont abot kaminoet blan-la, pou pa repere par bann polisie ki'nn lans a zot pourswit sa aswar-la ek an mem tan disparet depi bann zimaz CCTV. Bann veyikil sezi pou ekzamine par Forensic Science Laboratory pou determine si bann residi lapoud zarm inn reste.

Version babb fe bann sispe ek sirtou zot alibi, pou osi ekzamine par bann ofisie MCIT azordi, mardi le 16 fevrie 2021, an prezans zot avoka, Me Assad Peeroo. Zot pou konparet lakour Rose-Hill, sou enn sarz provizwar asasina. Bann lezot developman pe atann ban bann zour pe vini.