Asis pou enn valer Rs 1,7 milion sezi lor de diler

Anti-Drug and Smuggling Unit (ADSU) inn prosed a larestasion de prezime trafikan asis ant mardi ek merkredi le 2 zwin 2021.

Foto ilistrasion.

Enn parmi, 19-an, inn tomb dan file Western Division mardi. Li ti dan enn stasion servis dan Roche-Bois kan li'nn soumet a enn lafoui. 547 gram rezinn gandia ek enn som Rs 2 075, soupsone pou provenir depi lavant sa ladrog-la, inn sezi lor li par bann zom sef inspekter Ashik Jagai.

Merkredi, enn lot diler, 42-z-an, inn interpele par enn lekip Central Division avek 47 gram asis. Pandan sa lafoui-la, bann polisie, sou sipervizion inspekter Ramtanon, inn osi met lamin lor enn som Rs 7 000. Valer marsan sa de sezi-la estime Rs 1,7 milion.