[Audio] Covid-19: enn madam desede dan lopital ENT

Sandhya Mungrah inn desede dan lopital ENT azordi gramatin, lindi le 14 zwin 2021. Sa pasiant dialize-la, 44-an, ti teste pozitif pou Covid-19, le 7 zwin 2021.

Foto ilistrasion.

Sa abitant Résidence Argy, Flacq-la ti admet dan lasal 2.2 lopital Dr Bruno Cheong apre bann konplikasion lasante. Enn premie test PCR ti revel negatif lor li. Se pandan so deziem test ki madam-la inn aprann li'nn kontrakte viris-la.

So mari Rajesh, ki'nn konfie lor Radio Plus, dir li 'atriste'. Li dir so fam ti bien ena kouraz.

Audio: