Chemin Grenier: enn lafoul anpes perkizision enn lakaz

Pandan enn operasion ver 6-z-er-45 vandredi gramatin le 28 zanvie 2022 pou trak enn prezime trafikan ladrog dan Chemin Grenier swivan bann informasion presi Field Intelligence Unit, bann ofisie ladsou Southern Division inn tap ar enn lafoul ostil.

Foto ilistrasion.

Dan lakour lakaz an kesion, kat manb lafami konserne inn opoz bann ofisie brigad antidrog. Vi linportan lafoul, lekip ladsou konpoze wit prsonn inn fer mars aryer.

Par ayer, trwa manb lafami an kesion inn arete pou andomaz enn veyikil lapolis ek antrav zot travai.

Zot inn relase lor parol apre ki zot depozision inn anrezistre. Toutfwa, zot pou bizin konparet divan lakour prosennman. Enn lot manb lafami touzour reserse.

Read more...