Enn zen fam viktim abi seksiel par enn bon samaritin

Kosmar pou enn fam ki ena 36-z-an dan bann lari Port-Louis, lindi le 19 ziliet 2021. Ver midi sa zour-la, li'nn sekouri par enn patroui polisier lakrwaze bann lari Farquhar ek Renganaden Seeneevassen.

Foto ilistrasion.

Read more...

Moman kot li'nn pran an sarz par bann polisie, sa abitant Curepipe-la ti ena bann vetman kouver ar labou ek ti pe sinyin boukou nivo so lazam.

Li deklare li'nn viktim enn vol. An rout pou lopital, li'nn revele ar bann polisie ki li'nn osi viktim enn agresion seksiel par enn bon samaritin.

"Enn misie ti pe sarye mo sak li'nn amenn mwa kot larivier, li'nn gayn relasion avek mwa apre li'nn ras mo sak li'nn sove," sa abitant Curepipe-la inn konfie.

Sispe-la, enn denome Patrick ki ena 51-an, enn san domisil fiks, inn repere par bann polisie Trou Fanfaron. Li ti anba enn pon dan aveni Farquhar.

Kan li'nn trouv bann polisie, li'nn sove. Me li'nn resi arete par bann ofisie Takoor, Allear ek Mogun. Kesione lor bann alegasion sa fam-la, sispe-la inn pran so drwa silans.