Flacq: enn sofer fons lor de polisie dan so loto

De polisie inn viktim enn tantativ mert dan Flacq samdi apre-midi le 1e me 2021. Tou le konstab ti lor parking enn sant komersial, kan zot inn apros enn koup ki ti pe diskite dan enn loto.

Foto ilistrasion.

Ankoler, mari-la inn insilte bann polisie avan demar so veyikil lor vites. Li'nn fons lor de polisie-la avek so loto. Bann polisie-la inn blese ek inn resevwar bann swin dan lopital Dr Bruno Cheong dan Flacq. Koup-la aktivman reserse par lapolis pou interogatwar.