Goodlands: li pik enn kout kouto dan latet so frer

Dram-la finn deroule yer, merkredi le 24 fevrie 2021. Viktim-la, Lutchmeenarain Gooroochurn, 48-an, inn transporte an irzans lopital SSRN, dan Pamplemousses apre agresion-la.

Foto ilistrasion.

Dapre bann personel medikal, leta lasante viktim-la bien serye. Dapre enn sours lapolis, se so frer arme ar de kouto ki'nn agres Lutchmeenarain Gooroochurn. Se zot mama ki'nn alert lapolis Goodlands ek zot inn mande sir plas pou kontrol sitiaision.

De kouto ki'nn servi pou agresion-la inn remet lapolis kouma pies konviksion. Sispe-la inn sove depi senn dram-la ek li aktielman reserse par lapolis pou interogatwar.