Goodlands: li sove lakaz pou al kot so kopin pou gayn relasion seksiel

Enn adolesant 16-z-an inn interoze, mardi le 20 ziliet 2021, an prezans enn ofisie Family Welfare Protection Unit, par bann polisie stasion lapolis Goodlands.

Foto ilistrasion.

Dan so depozision avek lapolis, zen tifi-la inn avoue li'nn sove lakaz, dan lanwit le 7 ziliet 2021, pou al kot so kopin, ki abit Melle Jeanne, Goodlands.

Dapre li, li'nn reste enn semenn. Ek pandan sa semenn-la, li finn gayn relasion seksiel avek so amoure, 18-an, de kou. Antretan, so bann pros ti dan traka ek zot inn alert lapolis lor so disparision.

Zen tifi-la inn plase an obzervasion dan lopital ek so kopin aktielman reserse par lapolis pou interogatwar.