Lapost Baie-du-Cap: li esei kokin enn kof-for ek blie so savat sir plas

Enn malfra inn les so bann savat, so kasket ek enn pios dan lapost Baie-du-Cap avan sove. Nou pe koz lor enn tantativ vol, ki'nn deroule boner gramatin merkredi le 4 me 2022.

Lapost Baie-du-Cap.

Malfra inn esei ouver kof-for biro lapost, me li pa'nn resi so bann tantativ. Bann polisie afekte Emergency Response Team (ERS) finn al sir plas ek inn konstate ki enn fei tol lor twa batiman ti anleve, ek osi enn laport dibwa ti forse.

Zot inn remark enn pios ant mirai ek kof-for. Lapolis Bel-Ombre inn ouver enn lanket.

Read more...