Li filme so ti ser pe fer li enn felasion

Bann ofisie Anti-Drug and Smuggling Unit (ADSU) pa finn kwar zot lizie kan zot ti pe foui telefonn enn sispe. Zot inn tomb lor bann zimaz enn video ki montre enn tipti tifi pe fer enn felasion avek enn zom.

Foto ilistrasion.

Zom an kesion-la se frer viktim-la, 21-an. Li ti arete pou posesion gandia, vandredi le 28 me 2021.

Some pou fourni enn eksplikasion lor size video-la, sispe-la inn konfie ar bann ofisie brigad anti-drog. Li rakonte ki tipti tifi dan video-la se so ser 4-an. "Mwa ek mo ti ser. Mo ti fer li fer sa dan sal de bin..."

Tipti tifi-la inn interoze mem zour par bann ofisie Child Development Unit (CDU). Li'nn, par laswit, admet dan lopital Dr Bruno Cheong.

Tandi sispe-la, li'nn plase dan detansion dan Alcatraz. Li finn prezante lakour Flacq azordi, lindi le 31 me 2021, sou enn akizasion provizwar pou 'causing child to be sexually abused'.