Melrose: de fam rann vizit a bann prizonie avek ladrog

Marie Krisnabelle Tachiana Félix,26-z-an,enn abitant Bois-Savon, dan Cité-Briquetterie, dan Sainte-Croix ek Marie Keminy Félix, abitant Roche-Bois, inn interpele par Anti-Drug and Smuggling Unit, zedi le 3 zwin 2021. Tousala, akoz zot inn esei introdir ladrog dan prizon ot sekirite Melrose.

Prizon Melrose.

De fam-la ti vinn rann vizit bann deteni Noémie Bottel ek Harley Louis. Anfe, zot ti espere remet enn tib dantifris dan lekel 1,1 gram eroinn ek 4,1 gram ladrog sintetik inn dekouver.

Marie Krisnabelle Tachiana Félix inn inkriminn so ser, ki'nn eksplike enn inkoni inn remet zot sa tib-la dan Roche-Bois pou li remet sa an prizon. Enn perkizision dan lakaz sa de personn-la pa'nn donn narien. Zot res dan detansion polisier.