Pailles: li reprimann so garson 18-an ek fini par regrete

Enn papa lafami touzour pa kwar saki finn deroule ar li. So garson 18-an inn agres li lindi le 10 zanvie 2022 anplin lanwit.

Foto ilistrasion.

Viktim-la, 51-an, rakonte li ti kot li lakaz kan enn kou, so garson inn koumans fer tapaz san okenn rezon. Sa inn koumans vinn insiportab ek papa-la inn reprimann li, sof ki zen zom-la inn pran sa mal.

Ankoler, zen zom-la inn zet lor so papa avan donn li plizir koutpwin lor so figir. Li'nn mem kraz enn televizion avek led enn baton.

Alerte par sa tapaz-la, mama-la inn asiste tou senn-la inpwisant. Yer, mardi le 11 zanvie 2022, papa-la inn fer enn depozision kont so garson ar lapolis Pailles. Enn lanket inn ouver.

Read more...