Pereybère: lafin trazik enn etidian Nigérian

Lafin trazik pou enn Nigérian 24-an. Li ti retrouve inert lor laplaz Pereybère, dimans le 12 septam 2021, apre enn binyad.

Etidian Nigérian-la.

Enn skiper, ki ti sir plas, dir li'nn donn zen zom-la bann premie swin pou reanim li. Me pa'nn resi. Dese etidian-la, ki ti pe abit Grand-Baie, inn konstate par SAMU.

Lapolis ti osi mande sir plas. Ziska ler, bann anketer pa soupsonn okenn Foul Play.

Enn otopsi pou pratike pou determinn koz ekzak dese Nigérian-la.