Pointe-Canon, Mahébourg: enn motosiklist atake par de fam ek enn zom

Enn motosiklist 57-an, abitan rezion Mahébourg, inn atake par de fam ek enn zom, dan Pointe-Canon, ver 18-er-30, dimans le 23 zanvie 2022. Sou menas enn kouto, li'nn kontrin pou remet Rs 5 000, ki ti dan so posesion, ar so bann agreser.

Bann fe inn prodir dan Pointe-Canon.

Motosiklist ti arete pou admir zoli vi lor losean kan de fam ek enn zom inn apros ar li. Zom ti ena enn kouto. Li'nn lanse: "Donn tou seki to ena, sinon mo pou pik twa."

Panike, motosiklist inn esei sove, me de fam inn imobiliz li, alors ki zom inn met lamin dan so pos. Akoz viktim pa ti ena narien lor li, malfra inn foui dan kof so motosiklet ek inn tomb lor enn som Rs 5 000.

Apre ki zot inn pran so larzan, trwa individi inn sove sou regar inpwisan zot viktim. Motosiklist finn al stasion lapolis Mahébourg pou raport insidan. Li dir li kapav idantifie enn parmi de fam. Bann informasion fourni par motosiklist inn transmet ar bann ofisie Field Intelligence Office. Enn lanket inn ouver.

Read more...