Port-Louis: enn zen tifi abandone par so mama

Abandone par so mama: se trist sor enn adolesant 13-z-an. Li ti pran an sarz par Family Welfare and Protection Unit ek plase dan enn 'shelter' yer, zedi le 15 ziliet 2021.

Foto ilistrasion.

Dapre nou bann informasion, zen tifi-la, ki ti abit enn fobourg dan kapital avek so mama, ti abandone par sann-la depi mwa mars 2021.

Li'nn, dan enn premie tan, admet dan lopital Dr A. G. Jeetoo dan Port-Louis. Dan pe atann, Family Welfare and Protection Unit inn fer enn demann pou enn 'emergency protection order' dan lakour Port-Louis.

Mama adolesant-la inn refiz pou pran sarz so tifi.