Port-Louis: enn zom filme anba laport twalet fam

Enn zen zom 32-z-an inn arete alors ki li ti pe esei filme enn fam par pas so telefonn portab anba laport twalet.

Foto ilistrasion.

Bann fe inn deroule koumansman apre-midi lindi le 22 fevrie 2021. Ti anviron 14-er-30 kan enn fam 23-z-an ti pe al twalet, ki trouv lor 4e letaz enn batiman so travai, dan Port-Louis.

Se lamem li'nn trouv enn lamin pas anba laport twalet avek enn telefonn portab. Viktim-la inn koumans krie for for akoz li'nn per sa ler-la. Apre enn kours pourswit, bann volonter inn resi trap voler-la. Se enn abitan Bambous ki ena 32-z-an.

Lapolis inn alerte lor sa ka-la. Zen fam-la soutenir li'nn santi li imilie ek tromatize.