Port-Louis: viktim enn aksidan, enn siklist rann lam dan lopital

Beejay Kumar Gopaul nepli-la. Abitan Sainte-Croix, 55-an, inn rann lam dan inite bann swin intansif dan lopital Dr A. G. Jeetoo dan Port-Louis, zedi aswar le 27 zanvie 2022.

Foto ilistrasion.

Viktim ti admet laswit enn aksidan larout, ki'nn deroule lor otorout dan Port-Louis. Sann-la ti pe sirkile lor bisiklet kan li'nn perkite par enn loto.

Blese grav, kinkazener ti transporte lopital par SAMU. Enn otopsi, pratike par medsin lezist Dr Sunnasee, inn atribie dese laswit enn 'cranio cerebral injuries'.

Dese misie Beejay Kumar Gopaul

Nou prie pou anons dese misie Beejay Kumar Gopaul, 55-an, osi koni kouma Koko.

Konvwa mortier inn sorti depi kot so frer misie Indradeo Gopaul nimero 96 Canal Bathurst Sainte-Croix le 28/01/2022 ver 14-z-er pou al simitier Bois-Marchand.

Read more...