Quatre-Soeurs: enn papa 2 zanfan swiside par pandezon

Dram dan vilaz Quatre-Soeurs, dan lest Moris. Enn zen zom, papa de zanfan, inn swiside par pandezon dan so lakaz, dan Quatre-Soeurs yer gramatin, lindi le 22 fevrie 2021.

Foto ilistrasion.

Viktim-la, Harris Kumar Karriman, inn komet ireparab apre enn problem familial. Se enn parmi bann manb so lafami ki'nn fer sa dekouvert makab-la yer gramatin.

Lapolis inn alerte ek inn mande sir plas. Zot inn transport lekor-la lamorg lopital pou enn otopsi. Dapre rapor otopsi, zom marye-la inn desede swit a enn asfiksi akoz pandezon.

Lapolis inn ouver enn lanket pou fer lalimier lor sa dram-la. Harris Kumar Karriman les deryer li enn vev ek de zanfan.

Read more...

Dese misie Harrish Kumar Karriman

Nou prie pou anons dese misie Harrish Kumar Karriman, 42-z-an, osi koni kouman Ramesh Menusier.

Konvwa mortier inn sorti depi kot so madam Poonam Karriman Rout Rwayal, Quatre-Soeurs le 23/02/2021 ver 10-z-er pou al krematwar Beau-Champs.