Riche-Terre: enn miner arete pou trafik ladrog

Arestasion enn prezime diler ladrog, 15-z-an, donn rezon bann travayer sosial. Zot ti fer obzerv razenisman bann trafikan ladrog.

Ladrog sezi kot miner.

Enn eskwad brigad antidrog Port-Louis ti met enn kolezien 15-z-an sou sirveyans depi inpe letan. Bann zom inspekter Jeean ti pe sispekte ki li inplike dan trafik ladrog dan Riche-Terre.

Vandredi le 29 avril 2022, ver 11-z-er, bann ofisie inn debark kot adolesan ek zot inn perkizisionn so lakaz. Sa lekzersis-la inn deroule an prezans mama adolesan ek inn port so frwi.

Brigad antidrog inn sezi onz pake ladrog sintetik, enn sertin kantite asis ek 65 doz ladrog sintetik pre pou lavant. Ladrog ti disimile par deryer enn etazer soulie.

Miner-la inn arete. Li reponn enn akizasion provizwar pou trafik ladrog: posesion ladrog sintetik pou lavant ek trafik. Lanket sipervize par asistan sirintandan Hossanee. Miner-la pa enn inkoni pou bann servis lapolis. Li ti deza arete pou sodomi lor miner.

Read more...