Riche-Terre: enn polisie port plint kont enn lot polisie pou agresion

Li port iniform ek inn malgre tou agres enn parmi so bann koleg. Dapre prezime viktim-la,sa ofisie poste Traffic Branch-la inn agres li dan Riche-Terre, dimans le 19 septam 2021.

Foto ilistrasion.

Read more...

Apre ki li'nn fer par avek so bann siperyer, plinyan-la inn fer enn depozision stasion lapolis Terre-Rouge kont enn parmi so bann koleg.

Plinyan-la inn soutenir ki li ti an post lor enn kontrol routie kan so prezime agreser, ki'nn ariv lor enn motosiklet, inn aret lor so nivo avan atak li verbalman.

Bann zafer inn anvenime ek sispe-la inn agres li ziska abim so iniform. "Mo pou klak twa. To fer mari kan to an iniform," sann-la inn dir li.

Dapre viktim-la, so agresion ena twal de fon enn zistwar vanzans. Sispe-la pa'nn apresie ki li pran so tonton enn kontravansion.

Ofisie Trafic Branch-la pou interoze dan bann ler pe vini.