Rivière des Anguilles: li fons so loto lor bann polisie

Enn ka tantativ mert kont bann polisie inn raporte dimans aswar le 18 septam 2022, dan stasion lapolis Rivière des Anguilles. Enn individi inn fons so veyikil lor de polisie.

Foto ilistrasion.

Bann polisie inn retrouv zot lor koltar apre ki zot inn eskiv loto-la. Finn ena enn kours-pourswit kont sispe ki'nn fini par semm lapolis ki ti deryer li.

Bann polisie inn antam bann resers ek inn fini par retrouv veyikil an kesion san bann okipan dan Batimarais.

Loto-la inn remorke par Police Towing Unit (PTU) ziska stasion lapolis Rivière des Anguilles pou bann bezwin lanket.

Dapre nou bann informasion, bann polisie finn al sir plas insidan laswit enn reket kosernan enn ka agresion lor enn etidian.

Read more...