Union-Ducray: de mor dan enn aksidan larout

De zom inn perdi lavi dan enn aksidan ki'nn prodir dan Union-Ducray, dan lesid lil Moris, mardi le 20 septam 2022 ver 21-er. Veyikil dan lakel zot ti pe sirkile inn terminn so kours kont enn pie.

Loto aksidante.

Dese de viktim inn konstate par enn dokter irzans kan SAMU inn ariv sir plas dram.

Enn trwaziem okipan loto inn transfere lopital Souillac pou bann swin. Li'nn bizin retire depi veyikil aksidante, enn Toyota Vitz, par bann saper ponpie.

Bien tigit indikasion ti disponib lor so leta lasante ler nou pe piblie lartik-la. Bann indantite de personn desede inn konfirme ek se Nazhrool Peerbux, 29-an ek Abhinav Pitumbur, 21-an.

Lapolis Chemin Grenier inn ouver enn lanket pou determinn bann sirkonstans ekzak aksidan-la.

Read more...