[Video] Aksidan fatal Upper Vale: enn zen zom perdi mor sir le kou

Enn grav aksidan inn deroule dan Upper Vale, ver 20-r yer aswar, merkredi le 15 septam 2021. Enn motosiklist ek so pasaze inn violaman perkite par enn vann avan retrouv zot lor koltar.

Senn aksidan-la apre linpak.

Sok-la ti telman brital ki sofer-la pa'nn sirviv apre linpak-la. Bann ofisie stasion lapolis Plaine-des-Papayes inn mande sir plas. SAMU osi finn alerte.

Viktim-la, enn abitan Mamzelle Jeanne dan Goodlands, 29-an, inn mor sir le kou tandik so pasaze inn admet lopital SSRN dan Pamplemousses. So leta grav dapre bann personel swayan.

Dapre nou informasion, lalkol test pratike lor sofer vann-la inn revel negatif. Lapolis inn ouver enn lanket pou determinn bann sirkonstans ekzak sa kolizion fatal-la.

Video: