[Video] Aksidan Morcellement Saint-André: enn madam rann lam

Bijanti Mala Brijmohun, 67-an, inn mor dan enn aksidan larout, dan Morcellement Saint-André, dan Plaine-des-Papayes, dimans aswar le 20 zwin 2021. Sa abitant lokalite-la inn perkite par enn lors alors ki li ti pe marse longer larout. So lamor inn konfirme par bann personel medial SAMI, ki ti mande sir plas apre linpak-la.

Bianti Mala Brijmohun.

Aksidan-la inn prodir ver 19-er. Enn loto kondir par Shubashini R., 45-an, ki ti pe roul dan direksion Triolet inn perkit avek li.

So kadav inn transporte lamorg lopital Dr A. G. Jeetoo dan Port-Louis. Lapolis inn rekizisionn loto inplike dan sa aksidan-la.

So kondiktris inn ondir stasion lapolis pou anrezistre so version bann fe. Inn pratik enn lalkol test lor li ki'nn revel negatif.

Azordi, lindi le 21 zwin 2021, li pou reponn enn akizasion provizwar pou omisid involonter divan tribinal Pamplemousses.

Video: